«Қоғамдағы заң және тәртіп»

Жетісу облысы Қаратал ауданы Қ.Байсейітов орта мектебінде 2024-2025 оқу жылы 10-қаңтар күні «Біртұтас тәрбие бағдарламасы» негізінде «Ұшқыр ой алаңы»жобасы аясында мектебіміздің ұйымдастырушы педагогы   Жарылқасын Ілияс Қуанышұлының    ұйымдастыруымен  9-10 сынып оқушылар арасында «Қоғамдағы заң және тәртіп» тақырыбында зияткерлік сайыс ойыны өтті. «Заң мен тәртіп» зияткерлік сайыс ойынының мақсаты – оқушылардың заңға құрметін арттыру, құқық бұзушылықтың алдын алу, құқықтық сауаттылығын көтеру, тәртіп пен заңдылықты сақтау қажеттілігін түсіндіру. Бұл ойын арқылы қатысушыларға заңдар мен құқықтық нормалар туралы тереңірек білім беріліп, олардың қоғамдағы рөлі мен маңызына көңіл бөлінеді.   «Заң мен тәртіп» зияткерлік сайыс ойынының тәрбиелік мәні де өте маңызды Ойын барысында қатысушылар құқықтық мәселелерді түсініп, өз құқықтары мен міндеттерін, сондай-ақ қоғамда дұрыс әрекет етудің маңыздылығын ұғынады.Тәрбиелік мәні тұрғысынан, бұл сайыс оқушыларға:1. Құқықтық жауапкершілік – әр адам өз іс-әрекеттерінің заң алдында жауапты екендігін түсінеді.
2. Қоғамдық тәртіпке құрмет – заңдар мен тәртіпті сақтау, қоғамда үйлесімді өмір сүру қажеттілігі қалыптасады.
3. Азаматтық ұстаным – азамат ретінде өзінің құқықтары мен міндеттерін білу, оларды қорғау және құрметтеу.
4. Әдептілік – тәртіпті болуға, өзара құрмет көрсетуге, жауапкершілікті сезінуге үйретеді.
Осылайша,  жас ұрпақтың құқықтық мәдениетін қалыптастырып, қоғамда заң мен тәртіпке деген жауапкершілік пен құрмет сезімін нығайтады.