пікірсайыс

Қ.Байсейітов атындағы орта мектепте “Әлеуметтік желілер балалар мен жасөспірімдерге зиян ба?” тақырыбында пікірсайыс (дебат) өтті. Іс-шараға мектептің жоғары сынып оқушылары қатысты. Дебаттың мақсаты – оқушылардың сыни ойлау қабілетін дамыту, өз көзқарасын дәлелдеп, сауатты түрде пікір айтуға баулу болды.Пікірсайыс барысында оқушылар “Жақтаушылар” және “Қарсы тарап” болып екіге бөлініп, әлеуметтік желілердің артықшылықтары мен кемшіліктері туралы өз ой-пікірлерін ортаға салды. Жақтаушы топ әлеуметтік желілердің ақпарат алмасу, шығармашылықты дамыту, әлеммен байланыс орнату секілді жағымды тұстарын атап өтсе, қарсы тарап желінің психологиялық және физикалық зияны, уақыттың босқа кетуі, киберқауіпсіздік мәселелеріне тоқталды.Дебат қызу әрі қызықты өтті. Қазылар алқасы оқушылардың ой-өрісі мен сөйлеу мәдениетін жоғары бағалады. Іс-шара соңында белсенді қатысушыларға алғыс хаттар мен марапаттар табысталды