Саламатсыздарма қадірменді қонақтар,  құрметті әріптестер және оқушылар!         Бүгінгі  ““Сен туған Қазақстаныңды білесің бе?” атты  интеллектуальды-танымдық сайысына қош келдіңіздер!

Сіздермен бірге  интеллектуалды-танымдық сайысының жүргізушісі 

Қ.Байсеитов атындағы МДШО бар орта мектебінің 9 сынып оқушылары 

“ Сен туған Қазақстаныңды білесің бе?”  интеллектуальды-танымдық сайысына 2  топ  қатыстырылады    және  білім  бәйгесін  баптап келген топ басшылары болуы тиіс.

Оң қанатта  «Жігер» тобы

Сол қанатта  « Дарын» тобы

Ал, енді сіздердің топтарыңызбен таныс болайық.

Мен екі топқа да сәттілік тілеймін!

Бүгінгі ““Сен туған Қазақстаныңды білесің бе?” интеллектуалды-танымдық сайысын  әсем  әнмен   әрлейтін мектебіміздің   әншісі Асылмұрат Амина 

    Жеңіс жолында 6 асу бар, сол асулардан сүрінбеңіздер, әр дұрыс жауапқа 2 ұпай беріледі.

Ал, қазір бізде І айналым.

І айналымда экран арқылы 4 бейне сұрақ болады. Сұраққа қарама-қарсы тұрған ойыншылар  жеке-жеке  жауап бере алады.

Сұрақты оқып болған соң, жалаушаны бірінші болып көтерген ойыншы

жауап  бере  алады. Дұрыс жауап 2 ұпай.  Ереже түсінікті болған  сияқты.  Ойыншылар  дайын  болса,  экранға  назар  аударайық.

1-ші бейне сұрағымыз  

Мына суреттер қалай аталады? Қайда орналасқан?

Жауабы: Тастарға салынған суреттер –петроглифтер деп аталады. Жетісудағы Шу-Іле Алатауындағы «Таңбалы тас» сурет қорымы. Мұнда әр дәуірде тасқа түскен мыңдаған өнер ескерткіштері бар.

2-ші бейне сұрағымыз.

Суретте қандай тарихи ескерткіш бейнеленген?

Жауабы: Абай Құнанбаев ескерткіші.

Алматы қаласындағы Абай атындағы алаңға орнатылған ескерткіш (1960). Ескерткіштің тұтас биіктігі — 13,7 м.

Ескерткіш қоладан құйылып, тұғыры қызыл граниттен қаланған. Тұғырдың алдыңғы бетіне «Қазақ халқының ұлы ақыны Абай Құнанбаев (1845—1904)» деп жазылған. Мүсінші X. Е. Наурызбаев ақынның өмір белестерінен өтіп, халық қамқоршысы, ел ағасына айналған кезін, толыққан, салиқалы бейнесін жасаған. Ескерткіште басында тақия, иығына өңірі ашық желбегей шапан жамылған Абай сол қолына кітабын қысып ұстаған күйі терең ой үстінде ілгері басып келеді. Сәулетші И. И. Белоцерковский де ескерткіш тұғырын, ақын тұлғасын мазмұн жағынан байыта түсетіндей, Абайдың шыққан биігін символдық тұрғыдан бейнелей алатындай көлбеу өрлеткен. Ескерткіштің алдынан басталып, батысқа қарай ұзыннан-ұзақ созылып жатқан әсем көше - Абай даңғылы ақынның поэзияда салған ұлы сүрлеуі іспеттес. Абай ескерткішіне қазақ және басқа ұлт ақындары (Қ. Мырзалиев, С. Сейітов, С. Хангелдин, Ө. Жайлауов, Ш. Садыханов, Н. Жарқынбаев, Т. Жұмамұратов, Г. Некрасов, М. Оспанов т. б.) өлең-жыр арнаған.^[1][2]

3-ші бейне сұрағымыз.

Жауабы: «Қожа Ахмет Яссауи» кесенесі 1396-1399 жылдары Әмір Темірдің бұйрығымен Қожа Ахмет Яссауи қабірінің басына тұрғызылған. Түркістан қаласында

4-ші бейне сұрағымыз

Жауабы: «Арыстанбаб кесенесі» 

Арыстан баб кесенесі — көне Отырар жеріндегі сәулет өнері ескерткіші. 

Бұл кесене XII ғасырда өмір сүрген діни көріпкел Түркістан халқының арасында мұсылман дінін таратушы Қожа Ахмет Иасауидің ұстазы болған Арыстан баб ата қабірінің басына салынған. Кесененің бірінші құрылысы XIV-XV ғасырға жатады.

ІІ  айналым« Кім білгір» деп аталады. 

  Экранға әр топқа бүгінгі тақырыпқа байланысты 15 сұрақтан беріледі. Топ 1 минут кеңесіп алып, жауап береді.

1 топқа:

1. Қазақстан шекарасының жалпы ұзындығын және көлемін ата.

(15 мың километрден астам, Аумағы - 2 724 ,9 км². )

2. Қазақстанмен шектесетін мемлекеттерді атап шық

(Ресей, Қытай, Қырғызстан, Өзбекстан, Түркменстан)

3. Емельян пугачев көтерілісі туралы материал жинап жүргенде орыстың ұлы ақыны А.С.Пушкин болып кеткен қала қайсы (Орал қаласы)

4. Әлемдегі ең үлкен теңізді ата. (Каспий теңізі)

5. Қазақстандағы аяқтылардыың Каспий теңізін мекендейтін жалғыз өкілі (Тюллень-Итбалық)

6. Атырау қаласына тақау жерде археологтар Бату-хан негізін салған деп есептелетін ортағасырлық қала.

(Сарайшық қаласы)

7. Атырау қаласының Құлсары қаласы қатарында жатқан  Қазақстан аумағындағы  ең ірі мұнай кен орны қайсы

( Теңіз мұнай қоры)

8. Республиканың ең төмен жері қайда орналасқан? Ол әлемдік мұхит деңгейінен қанша метр төмен?

(Маңғыстау облысындағы Қарақия ойпаты,Ол әлемдік мұхит деңгейінен 132 метрге терең)

9. Үстірттен өзге өңірде кездеспейтін тау текесі

(Үстірт муфлоны)

10. Жылқының Қазақстанда сақталған алыс туысы, бір кездерде оның жан сақтайтын мекені Арал болған. 

(Құлан)

11. Адамның парықсыз әрекеті салдарынан ерекше жапа шеккен теңізді ата

(Арал теңізі)

12. Қазақстанның ең ыстық жері қай жер.

(Қызылорда облысындағы Қызылқұм шөлі)

13. Аңызға айналған ежелгі заман жыршысы және сазгері Қорқыттың қабірі қай жерде? (Қызылорда қаласына жақын, Сырдария жағасында)

14. Мыңдаған әулиелер қаласы қай қала? (Түркістан)

15. Ежелгі Гректерде Яксарт деген атауымен мәлім болған Қазақстандағы өзенді ата. (Сырдария )

2 топқа:

1. Арыс пен Сырдария өзендері қосылатын жерге жақын орын тепкен, Шыңғыс хан әскеріне күшті қарсылық көрсетіп, оның әмірімен күйретілген қаланы ата. (Отырар)

2. Бұл қаланың атын «шымнан жасалған қамал» деуге болады

(Шымкент)

3. Бұл қалада ежелгі заманның ұлы ғұлама ғалымы және философы Қожа Ахмет Яссауи туған. (Испиджаб қаласы)

4. Қазақстанның ең байырғы қорығы қалай аталады, ол қайда және қашан ашылған. (Ақсу –жабағылы қорығы. Ол Талас Алатауы қойнауында 1926 жылы ұйымдастырылған)

5.Ұлы қазақ ақыны, философ және сазгер, қазақ жазба әдебиетінің негізін салушы Шыңғыс тауларында туып-өсті. Оның аты кім? 

(Абай Құнанбаев)

6. Әлемде сирек кездесетін кеміргіш, оны ғалымдар Бетпақдала шөлінен бұдан 60 жыл ілгеріде кезіктірген. ( Селивиния, жалман)

7.  Жартастарға басы күн тәрізді құдайлардың бейнесі ойып салынған, ШУ-Іле тауларында жатқан жердің аты қандай? (Таңбалы)

8. Гербінде алма бейнеленген қала. (Алматы)

9. «Алтын адам» табылған сақ обасы жанындағы қаланы ата. (Есік)

10.Қай қорықта ән салатын тау қорғалады? (Алтынемел қорығында)

11. «Даңққа бола емес, ғылым үшін» Қашғарияға шытырман оқиға мен қауіп қатерге толы саяхат жасаған белгілі қазақ ғалымы және ағартушысы, шығыстанушы, этнограф, фольклоршы, аудармашы, журналист және географ кім? (Шоқан Уәлиханов)

12. Қазақстанның ең биік нүктесі. (Хан тәңірі шыңы 6995 метр)

13. Ғылымға сіңірген еңбегі үшін өзі зерттеген таулы аймақ аты фамилиясына қосып жазылатын, ХІХ ғасырдағы орыс ғалымы және саяхатшысы.

(Семенов- Тянь-Шанский)

14. Жекеленген жұптары Іле сырты және Жоңғар Алатауы өзендерінің жетуі қиын бастауларын мекендейтін ең сирек құстардың бірі. (Орақтұмсық)

15. Қазақстандағы батыс бөлігі тұщы, ал шығысындағы бөлігі тұзды көл қалай аталады?  (Балқаш)

ІІІ айналымға да келіп жеттік. 

Өнер  туралы  мақал-мәтелдің жалғасын табу.  

Әр топқа 8 мақал-мәтел беріледі.

1,5 минут  уақыт беріледі.  Сол 1,5 минут уақытта қанша  мақал-мәтелге жауап беретінін  білейік. Дұрыс жауап  2 ұпай.

1 – топқа

1.Атадан көріп оқ жонар

Анадан көріп   ….  пішер   (тон)

2.Бой істемейді, …. істейді  (қол)

3.Өнер көзі —  ……. (халықта)

4.Талаппен баста

……….. аяқта  (талғаммен)

5.Шын шеберде ….. болмас (мін)

6.Батыр адам қорқақты сүймес

Шебер адам ….. сүймес (шорқақты)

7.Үйренгенің өзіңе құт,

…….. еліңе құт. (істегенің)

8. ……. бала сүйкімді (Өнерлі)

2 – топқа

1.Бөрік — адамға …. (көрік)

2. Шебердің қолы ортақ, ()

.........................тілі ортақ (Шешеннің)

3.Өнерлінің қолы алтын

………… сөзі алтын (өлеңшінің)

4.Асыл тастан, …….. жастан (ақыл)

5.Алтын балдақ қол сәні

Әшекей  ……… тон сәні (кесте)

6.Талапты ерге ….. жауар (нұр)

7.Үлгісі көптің өрнегі көп,

Өнері көптің  …….. көп (ермегі)

8.Жеті рет піш

…….рет кес.(бір)

ІVайналым «Ойлан тап»

 Қазақ халқының  өткен ғасырларда күнделікті тұрмыс — тіршілігіне байланысты пайдаланған  заттар, көне аспаптар  атауларын атап, не қызмет атқарғанын түсіндіріңдер.  Дұрыс жауап 2 ұпай. Экранға назар аударайық.

І топқа

1.  Саба- кептірілген шикі теріні әуелі құрымға салып, құм кептеп қатырып, содан кейін ысқа салып төрт бойдан құрастырылған тері ыдыс.

2.   Шаңқобыз — темірден немесе күмістен жасалған сүйір тілшесі бар көне музыкалық аспап

ІІ топқа

1.  Ұршық — жіп иіретін құрал. Ұршықпен иіргенде  шеберден жүнді созу, оны мұрындыққа іліп қою, иіріліп келе жатқан жіпті біркелкі жинау, т.б.ширақ қимылдарды  қажет етеді.

2.Месқобыз (үрмелі аспаптар тобына жататын көне музыкалық аспап. Иленген  мал терісінен жасалады.Сырт көрінісі қымыз құятын ыдысқа ұқсас.Аузын бекітетін тығыны болады.Әуен шығаратын екі сырнай түтікшесі бар.

V айналым.   «Кәне, кім білгір?»

Қазақстан Республикасының  мемлекеттік тілі- қазақ тілі. Еліміздің  кемел  болашағы да қазақ тілінде. Ана тілін меңгерген ұлтжанды білімді  ұрпақ еліміздің ертеңі, тәуелсіздіктің тірегі. Олай  болса сіздердің қазақ тілінен білімдеріңізді сынаймыз.

Экранда  фразеологиялық сөз тіркестері  беріледі, сол сөздің мағынасын табыңыздар.

Дұрыс жауап 1 ұпай.

1-топқа:

«Ұршықша иіру».

Жауап: Қазақта өз ісін «дөңгелетіп» алды деген сөз де бар, шаруасын тез меңгеріп алып, пайдасын көріп отыр деген мағынаны білдіреді.

«Шекесі торсықтай»

Жауап: Жаңа туған нәресте ер бала болғанда айтылады. Шекесі торсықтай ұл дүниеге келді деп сүйінші сұралады.

«Сабасына түсті»

Жауап: Ашуы тарқағаннан кейінгі адамның көңіл-күйі.

«Қамшының сабындай»

Жауап:  қысқа ғұмыр

2-топқа: 

Паш ету – жария ету.

Тонның ішкі бауындай

Жауап: Өте жақын, ажырамас дос

VI айналымға да келіп тоқтадық.

Бұл нағыз шешуші кезең. Әр ойыншыға екі әріп тиесілі. Мен қойған сұрақтарға осы әріптердің көмегімен жауап берулеріңіз тиіс. Топ басшылары сөздің дұрыс шығуына көмектесеміз.

Дұрыс жауап 1 ұпай.

Кезекті 1-топқа береміз.   К-Р, И-Е, І-И ,З-С

(Киіз) –  тазартылып қырқылған қойдың күзем жүнінен  басылады. Қазақтардың байырғы ұлттық  баспанасы,    …….  үй.

(Кісе) – күмісті белдікке таққан былғары қалта; кіселі белдік

Алтын шекпен ерге жарасар,

Алтын кісе белге жарасар

(Есік) – киіз  үйдің сықырлауық дейтін бір бөлшегі

(Сері) — ертеде халық өнерпазды кім деп атаған?

Кезекті 2-топқа береміз.

Н-Р  , О-И, Т-М,  А-Г

(Нота) — музыкалық дыбысты қағаз бетіне түсіретін белгі

(Орам)- өлшем бірлігі; кеуде, мықын, белді айналдыра өлшейді

(Гимн) — салтанатты ән

(Отан)- менің елім, атамекенім

.

Ал енді ойыншылар міне біз  нағыз шешуші кезеңді де сәтті аяқтадық. Олай болатын болса, жеңімпаздарымызды ортаға шақырайық. Бүгінгі “Елім менің” интеллектуальды-танымдық сайысының жеңімпазы болған  топ марапатталады!

Құрметті көрермендер, қымбатты ойыншылар!

Азат еліміз, байтақ жеріміз, жаны жомарт ұл-қыздарымыз аман болсын.

Келесі кездескенше жүзіміз нұрлы, күніміз  шуақты болсын ағайын.

                                            А.К.Турлыбекова

Қанабек Байсеитов атындағы МДШО  бар

орта  мектебінің мектеп кітапханасының

2021-2022 оқу жылына арналған

ЖЫЛДЫҚ ЖҰМЫС ЖОСПАРЫ

Кітапхана жұмысының негізгі бағыттары:

1. Кітапхананың міндеттері мен ережелері.

            2. Негізгі бақылау көрсеткіштері.

            3. Балалардың ынтасы мен оқу ерекшіліктерін зерттеу.

            4. Оқырмандарды кітапханаға тарту жұмыстарын ұйымдастыру.

            5. Балаларды адамгершілікке, әдептілікке, елжандылыққа, тәрбиелеу жұмыстары.

           6. Эстетикалық, этикалық тәрбие, рухани адамгершілік тәрбиесі және өлкетануға байланысты насихаттау.

           7. Әдет-ғұрып, салт-дәстүрді, тілімізді насихаттауға бағытталған жұмыстар.

           8. Активтермен жұмыс

           9. Оқулықтарға байланысты жүргізілетін жұмыстар

Мектеп   кітапханасының  міндеттері  мен   ережелері

         Мектептің құрамды бір  бөлігі  -   мектеп  кітапханасы  болып   табылады. Ол тек қана   кітапты   сақтайтын,  тарататын   орын  болып  қана   қоймай,  сонымен қатар білім деңгейін көтеруге көмек көрсетеді, оларға бағыт- бағдар беріп отырады. Оқу тәрбие жұмысына белсене араласып, тығыз байланыста болады.

     Балалардың кітапқа деген сүйіспеншілігін оятып, олардың оқуға деген талғамын қанағаттандырып отырады. Кітап оқуға құштарлығы бар оқушылардың жаңа ұжымын құрайды. 

           Кітапханашы жан-жақты тәрбие жұмысында мектеп педогогикалық ұжымымен біріге отырып оқырмандардың қоғамдық белсенділігін, творчествалық дербестігін қалыптастырып отыруға міндетті. Кітапхана балалардың қоғамдық жұмыстарға араласуына ықпал етіп отырады. Сонымен бірге оқырмандарға қызмет көрсетудің жоғары мәдениетін көрсетуі тиіс. Білім беру ақпаратында оқырман талабын басшылыққа алуға баса назар аудару керек.

Балалардың  ынтасы   мен  оқу  ерекшелігін   зерттеу  жұмыстары.

           Кітап  -   біздің  рухани  құндылығымыз,   теңдесі жоқ  байлығымыз.  Жан- жақты   білім  мен  тәрбие   берер  орталықтардың  бірі   мектеп  кітапханасы.  Балалардың   кішкентай  кезінен  бастап   кітапқа  деген  сүйіспеншілігін  арттыру   біздің басты міндетіміз.  «Кітап - білім бұлағы, білім -өмір шырағы»  бұл сөздерден  оқуға  деген   рухани  азық  жөнінде көп   ойларды  тоқуға  болады. Кітап   біздің  рухани  жан   азығымыз. Кітаптан  ақыл кеңес,  үлгі-өнеге,   тәлім        тәрбие  алады.    

        Кітапханада  әр   оқушының  жеке  кітап   оқуы  мен  ынтасы,   ерекшелігі зерттеліп,  қабілетіне  қарай   әдебиет  ұсынылады.  Библиографиалық шолу, дауыстап  оқу,   ауызша  әңгіме  айту,   тағы   басқа  да   библиографиялық жұмыстар   жүргізіледі.   Оқырмандарды  кітапхана   қызметімен,  тіршілігімен  таныстырады.   Кітап  арқылы  оқушылардың   жан-жақты  білім  алып ғылыми   және саяси  санасын  қалыптастырып , білім дәрежесін дамуына әсер ету, оқушыларға  кітап  таңдап   алуына  және  онымен   жұмыс  жасай  білуге   көмектесу.  Сондай-ақ  оларға   түсініксіз  мәселелерді,  фактілерді табуына  жетекшілік   ету .Олардың  бойында  жоғары    адамгершілік қасиеттерін   қалыптастыру  болып  табылады.   Оқушылардың  бойында  творчествалық   ізденісті ,  белсенділікті,  зерттеушілік   қасиеттерді қалыптастыру.   Сонымен  қатар  оқырмандардың   талап  тілектерін қанағаттандырып,  оқу   мәдениетіне  тәрбиелеу.  Қажет   болған  жағдайда тиісті  шешім   қабылдай  білуге  үйрету.

Кітапхана ұстанымдары

-  Жаңа  кітаптармен,   мерзімдік  басылымдармен  таныстырушы.

-  Оқушыға  әдебиет   таңдауға,  оқырмандық  қызығушылығын   кеңейтуге,      мұғалімге  кәсіби   өсуге көмектесуші.

-  Реферат,  зерттеу   жұмыстарын,  оқу  әдістемелік   материалды  дайындауға мүмкіндік  беруші.

Кітапхана    және  библиографиялық  жұмыстар

- Мектеп   оқушыларын  1-20 қыркүйек  аралығында   оқулықтармен  қамтамасыз ету. 

- 1-4 сынып   оқушыларын  кітапханаға  тарту   мақсатында   қаңтар  айында «Білім   көзі  кітапта»  тақырыбында   кітапханаға  саяхат  жасау.

- «Жаңа   кітаптар»  кітапханаға  келіп   түскен  жаңа  кітаптарға    көрме  ұйымдастыру   және   олармен  таныстыру.

- Әр  тоқсан  сайын   рейд  өткізу.  Рейдте   оқулықтардың  ұсталу  барысын тексеру.

- Мектепішілік   іс-шаралардың  барлығына  қатысу.   Мектептің  тәрбие ісі   жөніндегі,   ұйымдастырушы  завучтарымен  тығыз   байланыста  болу.

-2021-2022   оқу  жылының  аяғында   оқулықтарды қабылдау ,  олардың сақталуын  тексеру.

Оқулықтарға  байланысты   жүргізілетін  жұмыстардың  түрлері

1.     Оқу  жылының   басында  сынып  жетекшілері   мен  пән  мұғалімдерімен  біріге   отырып  сыныптарды  оқулықтармен   қамтамасыз  ету.  №173 қаулы бойынша  анықтамаларын   жинақтап  аз қамтылған, әлеуметтік  тұрмысы  төмен, көп балалыотбасы,  жетім және   жартылай  жетім  балалардың   тізімін  жасау. Осы тізім бойынша  ең бірінші  кезекте   осы оқушыларды  оқулықтармен  қамтамасыз   ету. 

2.   Оқулықтардың  таза  ұсталуын   сынып  жетекшілері мен  оқушылардан үнемі  талап   етіп  отыру.

3.    Оқулықтардың  тазалығын  айына   1 рет  оқушылардан  сайлаған   активтермен  біріге  отырып тексеріп  отыру.

4.   Оқулықтарын  таза   ұстаған  сыныптар  аралығында   жарыстар  өткізу.

5.   Жыртылған  оқулықтарды   «Кітапхана емханасынан»   өткізу,  түптеу.

6.  «Кітабыңды таза ұста» деген  тақырыпта  әңгіме   өткізу.

7.  Аудандық  білім   бөлімінен  бөлінген  оқулықтарды   дер  кезінде  алып,    кітапхананың  есеп  кітабына   тіркеп,  белгі  соғып   отыру.

8.  Кітапхана  қорын   көнерген,  жыртылған  оқулықтардан,   оқу   бағдарламасына  сай   келмейтін  оқулықтардан тазартып  отыру.

Активтерімен жұмыс

    1.   Кітапхана активтерімен жұмыс нағыз оқырмандар коллективін тәрбиелеу болып табылады. Активтерді тәрбиелеу ісі кітапханашының күнделікті жұмысында балалармен әртүрлі көпшілік жұмыстарын өткізу барысында жүзеге асырылады. Актив оқырмандар арқылы көптеген балаларды кітаппен жұмыс істеуге  үйретіпе, кітапхана әлеміне қызықтырып олардың кітапқа деген ынтасын арттырады.

2.  Оқу жылының басында активтерді қайта сайлап, оған жетекшілік ететін оқырмандар жетекшісін сайлау.

3   Активтерді күн сайын кітапханаға кезекшілік етуін қамтамасыз етіп отыру. Активтерді кітапхана жұмысымен таныстыру.

Кітапхана кеңесінде қаралатын мәселелер

Кітапхана кеңесінің мүшелері

Кітапханашы                                               А.Жумабекова

Алматы облысы

Қаратал ауданы 

Қ.Байсеитов АТЫНДАҒЫ 

орта мектеп  кітапханасының 

ПАСПОРТЫ

2021 жыл 

                                            Бекітемін мектеп директоры 

                                                         ______________ А.К.Турлыбекова 

                                                           «_____»_______________ 2021 жыл 

«Қ.Байсеитов  атындағы МДШО бар орта  мектебі» кітапханасының 

ПАСПОРТЫ

Мекен жайы: Алматы облысы, Қаратал ауданы,   Қанабек ауылы, Саринов көшесі – 1. 

Негізінің қалануы : 1991 жыл  

Кітапхана жұмысын ретке келтіруге арналған құжаттар 

1. «Қазақстан Республикасының мемлекеттік білім беру ұйымдарында  кітапхана қорын қалыптастыру туралы нұсқаулық»  2016 жылы 19 қаңтардағы  білім және ғылым  министрлігі бекіткен № 44  бұйрығы 

2. Қазақстан Республикасының «Білім туралы» Заңы  
 3. Кітапхана туралы Ереже  
 4. Кітапхананы пайдаланудың үлгі қағидалары 
 5. Кітапхана қызметкерінің   міндеттері   

ҚОРДЫ ЕСЕПКЕ  АЛУ БОЙЫНША ҚҰЖАТТАР 

1.Кітапхана қорының құн есеп  кітабы.
 2. Негізгі қорды мүліктік түгендеу .
 3.  Оқулықтарды есепке алу кітабы .
 4.  Кітап қорының қозғалысын  есепке алу актілер (қордан шығару, орнына қабылданған)
 5. Оқулықтарды тіркеу журналы 

6. Мектеп кітапханасының жұмыс күнделігі
 7. Басқа мектептермен ауыстырылған оқулықтар бойынша жинақ папкасы

8. Кітапхана қоры қозғалысының жинақ есеп ведомості 

КІТАПХАНА ЖҰМЫСЫН ЕСЕПКЕ АЛУ ҚҰЖАТТАРЫ 

1. Жұмыс жоспары
 2. Есеп

КІТАПХАНАНЫҢ НЕГІЗГІ ҚҰРЫЛЫМЫ  

1. Абонемент
 2. Кітап сақтау қоймасы 

ҚОРДЫҢ КӨЛЕМІ 

Жалпы кітап қоры :   14105

Оқулықтар:  8850

Әдеби кітаптар : 4913

Электронды оқулықтар 342

КІТАПХАНАНЫҢ КӨРСЕТЕТІН ҚЫЗМЕТІ

1. Оқырмандарға абоненте және оқу залында   қызмет көрсету. 
2. Анықтамалық-библиографиялық көмек көрсету:
    • тақырыптық анықтамаларды орындау;
    • тақырыптық әдебиеттерді таңдау;
    • ақпараттық тізім  жасау;
    • жеке  библиографиялық кеңес беру;
    3. Кітап көрмесін безендіру;
    4.  Кітапхананың жұмыс жоспары бойынша  көпшілік іс-шараларды  өткізу. 

КІТАПХАННЫҢ  МАТЕРИАЛДЫҚ-ТЕХНИКАЛЫҚ  БАЗАСЫ

1. Екі жақтаулы сөре – 8
2. Кітап қоймасындағы екі жақтаулы сөре – 8
3. Кітапханашы үстелі – 1
4. Оқу залындағы үстел орындығымен  - 1
5. Оқу залындағы бір жақтаулы сөре – 6
6. Стенд -1
7.  Жаңа кітаптарға арналған сөре  - 1
8. Шкафтар – 2
9. Компьтер – 1 (интернет желісіне қосылған)
10.  Орындықтар - 8

КІТАПХАНАНЫҢ   ЖҰМЫС  ТӘРТІБІ 

Оқырмандарға қызмет көрсету: 09.00 – 12.00
 Демалыс: жексенбі күні
 Тазалық күні: айдың соңғы жұмыс күні.
 Мектеп кітапханасы   Қ.Байсеитов атындағы орта мектебінің директоры бекіткен  жұмыс жоспары бойынша  жұмыс жүргізеді.
 
 

                Бекітемін 

                                                                                 Мектеп директоры  ___________  

                  «_ »_______________2021 жыл 

Қ.Байсеитов атындағы  орта мектеп   

кітапханасын пайдалану ережелері  

1. ЖАЛПЫ ЕРЕЖЕЛЕР

1.1.Кітапханада жұмыс істеу ережесі – оқырмандарға қызмет көрсетуді ұйымдастыру тәртібін және қорларды   пайдалану, оқырмандардың құқығын және міндеттерін анықтайтын құжат.

1.2.Кітапхана оқырмандарға кітапханада бар кітаптарды, басқа да баспа өнімдерін уақытша қолдануға беруді ұйымдастырады.

1.3.Оқушылар мен қызметкерлер кітапханадағы бар баспа өнімдерін пайдалануға құқылы.

1.4.Кітапханадағы баспа өнімдерді қолдану тегін.

1.5.Әдебиеттерді үйге беру абонементте жүргізіледі. Кітапхананың оқырмандар залында қолдануға арналған әдебиеттер үйге берілмейді.

1.6.Энциклопедиялар, анықтамалықтар, мерзімді басылым, дәстүрлі емес формалардағы тасымалдаушы құжаттар оқырмандар залында жұмыс істеуге ғана беріледі.

1.7.Кітапханада бар кітаптарды, газет, журнал, басқа да баспа өнімдерін оқырмандарға беру есебі ұйымдастырылады.

1.8. Оқырмандардың кітапханаға жазылуы келесі түрде жүргізіледі: оқушылар – сынып тізіміне сәйкес, қызметкерлер – жеке тұлғасын куәландыратын құжат бойынша

1.9.Кітапханаға жазылар алдында кітапхана ережесімен танысу керек.

1.10. Әр оқырманға оқырман формуляры толтырылады. Оқырман формулярлары баспа өнімін беру фактісін және мерзімін куәландыратын құжат болып табылады.

1.11.Оқырмандар жоғалтып алған және байқаусызда бүлдіріп алған баспа өніміне жауапты,  және дәл сондай немесе кітапхана бағасы мен мазмұны бойынша сай келеді деп есептеген баспа өнімімен ауыстыруға міндетті, ал егер ауыстыру мүмкін болмаса оның шынайы нарық бағасы төленеді.

1.12.Жыл сайын оқу жылының басында кітапхана қайта тіркеу жүргізеді.

1.13.Оқушылар кітаптармен қамтамасыз ету тәртібі туралы ереже арқылы қамтамасыз етеді.

1.14.Абонементте үйге берілетін әдебиеттерді қолдану мерзімі, және саны шектеулі:

мұғалімдер үшін:

оқулық – сәйкес пәнді оқыту мерзіміне беріледі;

әдістемелік –сәйкес пәнді оқыту мерзіміне беріледі.

оқушылар үшін:

бағдарламалық – оқушыларға пәнді оқыту мерзіміне, сабақта бағдарлама бойынша оқытылатын шығармалар бағдарламаны оқыту мерзіміне сәйкес беріледі;

сыныптан тыс оқуға – 15 күн.

1.15. Егер материалдар басқа оқырмандар жағынан сұранысқа жатпаса, қолдану мерзімі ұзартылады немесе егер баспа өнімінің бір ғана данасы болса немесе жоғары сұраныста болса қысқартылады.

1. ОҚЫРМАНДАРДЫҢ ҚҰҚЫҚТАРЫ МЕН МІНДЕТТЕРІ

2.1. Мектеп кітапханасының оқырмандары (оқушылар, педагогтер, қызметкерлер) құқылы:

- кітапхана ұсынған кітапханалық-ақпараттық қызметтермен тегін қолдануға;

- абонементтен уақытша пайдалану үшін кітаптар алуға;

- кітаптар және  басқа да ақпарат көздерін іздеу мен таңдауда кеңес алуға;

- дәстүрлі және электронды тасымалдаушыда ақпаратты пайдаланудың кітапханалық-библиографиялық білім, білік және дағдылар алуға;

- кітапхана өткізген іс-шараларға қатысуға.

    2.2. Оқырмандар міндетті:

- кітапханада жұмыс істеу ережесін сақтауға;

- кітапханадан алған әдебиеттерді белгіленген мерзімде қайтаруға;

- кітапхана қорынан алынған баспа өнімдерін, және басқа да ақпарат тасымалдаушыларды, техникалық жабдықтарды ұқыпты ұстауға;

- кітапханада тыныштық және тәртіп сақтауға, ғимаратқа үлкен портфель және сөмке әкелмеуге.

 2.3. Оқырмандарға рұқсат етілмейді:

- кітапхананың басылымдарын бүлдіруге;

- каталогтар мен картотекалардан кәртішкелерді алуға;

- қызмет ғимаратына және кітап қоймасына рұқсатсыз кіруге.

     2.4. Оқушылардың жеке істері әдебиеттерді қайтарған соң ғана беріледі. Мектептің жұмыстан шыққан қызметкерлері кітапханада өздерінің кету парақтарына белгі қойғызады.

3. КІТАПХАНАНЫҢ ҚҰҚЫҚТАРЫ МЕН МІНДЕТТЕРІ

3.1.Кітапхананың жұмыс режимі мектеп директорымен бекітіледі.

3.2. Кітапхана құқылы:

- берілген кітаптар, басқа да баспа өнімдері кітапханаға қайтарылуы үшін тұрақты бақылау жүзеге асырылуға;

- кітаптарды кезекті беру оқырманнан алдында алынған пайдалану мерзімі өткен баспа өнімдері қайтарылған уақытта ғана беруге.

          3.3.Кітапхана міндетті:

- кітапханалық қорға оқырмандардың тегін және ерікті пайдалана алуын және уақытша қолдануға тегін беруді қамтамасыз етуге;

- оқырмандарға қызмет көрсету мәдениетін қамтамасыз етуге;

- ұсыну кеңестері арқылы, анықтамалық-библиографиялық материалдарды ұсыну жолымен қажетті шығармаларды таңдауда оқырмандарға көмек көрсетуге;

- белгіленген тәртіпке сәйкес кітаптарды және басқа да баспа өнімдерін есепке алуды, сақтауды жүзеге асыруға;

- өздерінің қорлары сақталуына жауапты болуға;

- оқырмандардың жұмысы үшін кітапханада жағдай жасауға;

- баспа өнімдерінің кіші жөндеулерін тұрақты ұйымдастыруға;

- Мектеп кітапханасы туралы ережеге сәйкес өздерінің қызметі туралы есеп беруге.

1. ОҚЫРМАНДАР ЗАЛЫН ПАЙДАЛАНУ ЕРЕЖЕСІ

4.1. Оқырмандар залында қолдануға арналған әдебиет үйге берілмейді.

4.2. Оқырмандар залына сөмкелермен, өзінің және басқа кітапхананың кітаптарымен, жұрналдарымен, газеттерімен кіруге рұқсат етілмейді.

4.3. Оқырмандар залында берілетін кітаптар, басқа да баспа өнімдерінің саны шектелмейді.

Кітапхананың  жұмыс кестесі

Кітапхананы  тұтынушылар үшін:9.00-ден -12.00-ге дейін

    Сенбі күні  9.00-ден 11.00-ге дейін 

                                          Демалыс күні – жексенбі.
                                          Әр айдың соңғы жұма  күні – тазалық күн.

Анықтама телефоны: 26-5-30