«Жырлайды жүрек» атты поэзия кеш

Қазақтың лирик ақыны Мұқағали Мақатаевтың өлеңін білмейтін болмаса- естімеген қазақ кемде-кем. Әр шығармасы сырлы сезімге толы жыр жүйрігінің өлеңдері мен поэмаларын жатқа білетін оқушылар Қ.Байсеитов атындағы МДШО бар орта мектебінде де жетерлік.

Мұзбалақ талант иесінің әр өлеңінен шабыт алып, қанаттанып жүрген шәкірттеріміз бен ұстаздарымыз «Жырлайды жүрек» атты поэзия кешінде бас қосты. Кешті ұйымдастырушы мектебіміздің қазақ тілі мен әдебиеті пәнінің мұғалімі Әсел Иманғалиеваның сөзіне қарағанда, поэзияға, соның ішінде Мұқағали шығармашылығына жаны құмар оқушылар көптеп кездеседі екен. Нәтижесінде солардың қолдауымен осы кештің өтуі қолға алынған.